السؤال الأول:
س: إيه هو الحيوان الأخضر الصغير اللي بياكل الزلط؟
ج: هو ابن الحيوان الأخضرالكبير اللي بياكل الزلط .
السؤال الثاني:
س: إيه هو عكس تلميذات؟
ج: Don't tell me that
السؤال الثالث:
س: تعرف تقول لي فرقين بين الليمون والزيتون؟
ج: 1- فيه لمونادة وما فيش زيتونادة
2- تقدرتقول الناس لاموني لكن ما تقدرش تقول الناس زاتوني
السؤال الرابع:
س: طب تعرف تقول 5 فروق بين البطة والوزة؟
ج: 1. تقدر تحلق شعرك زلبطة لكن ما تقدرش تحلقه زلوزة
2. في رحاله اسمه ابن بطوطة لكن مافيش رحاله اسمه ابن وزوزة
3. تقدر تبلبط في البحر لكن ما تقدرش تبلوز فيه
4. كلنا نتغطى في الشتاء ببطانية لكن ما بنتغطاش بوزانية
5. الوزة كانت زمان بطة لكن الشيطان وزها
السؤال الخامس:
س: طب تعرف تقوللي 5 فروق بين الفيل والنملة؟
ج: 1- رجل الفيل ممكن تنمل لكن رجل النمله مش ممكن تفيل
2- البيت ممكن يبقى فيه نملية لكن مش ممكن يبقى فيه فيلية
3- تقدر تاكل سمك فيليه لكن مش ممكن تاكل سمك نمليه
4- كل واحد له بروفيل لكنمالوش برونمله
5- You can feel but you cannot namla
العمل/الترفيه
موضوع: اختبار زكاء صعيدي 
الجمعة سبتمبر 25, 2009 2:34 am
