شوفوا الشباب بيعملوا ايه

ترن ترن ترن ترن ترن ترن ترن ترن ترن ترن ترن ترن ترن
انا : موبيلك يا محمد بيرن شوف مين بيتصل ؟
هو : اه دي البت نانسي البت دي تلقيحه يا اخي .
انا : ماشي يا عم المهم
هو : الو ازيك يا حبيبتي اخبارك ايه وحشتني موت موت
هي : انا تمام انته عامل ايه ؟؟
هو : ثواني كدا يا حبيبتي

“” بص يا رجاله انا هسمعكوا البت دي وهي بتكلمني وقوليلي رايكو بقا اشطا ادينا شغلت الاسبيكر اهو “”
هو : ايوة يا حبيبتي اسف كنت بمشي اصحابي بس اتاخرت عليكي ؟
هي : ولا يهمك يا محمد انته اخبارك ايه ؟
هو : انا تمام يا حبيبتي اووي طول ما انتي تمام
هي : ها ( بينها وبين نفسها بتقول اتكلم بقا يا طريش )
هو : بقولك ايه يا حبيبتي اي رايك تغني اي حاجه كدا يعني ؟
هي : لا لا لا مستحيل ان عندي برد وصوتي مش اد كدا
هو : لا يا روحي انته صوتك احسن من صوت سعد الصغير بكتير عشان خاطري يا عمري غني
هي : لا طبعا ولو غنيت تحب اغنيلك ايه ؟
هو : غني بحبك يا حمار
انا : ههههههههههههههههههههههه
هي : حد جنبك ولا ايه ؟
هو : لا يا حبيبتي دا واحد ماشي في الشارع بيضحك هو واصحابه
هي : اه بحسب ( عامله نفسها عبيطه هي كمان )
هو : خلاص يا حبيبتي عشان الكرديت بتاعك هتصل بيكي بليل او هرن وانتي تتصلي اوك
هي : اوك يا محمد
انا
: حرام عليك يا بني انته كدا بتضحك علي البت والبت بتحبك وعيب تعمل كدا مع
واحده بتحبك وبعدين حتي لو بتكلم بنات المفروض تحافظ عليهم
هو : يا عم فكك مني في ايه انته هتعمل نفسك حنبلي ؟؟ ارحم اهلي يا عم ؟
انا : يا عم لا حنبلي ولا حاجه بس فكر يا عم في البنت وفكر انه كما تدين تدان
هو : احمد ابوص راس اهلك ارحم اهلي وفكك مني .
انا : لا يا محمد مش هفكني منك عاوز اعرف انته بتعمل كدا ليه يعني هتستفيد ايه ؟
هو : انته عاوز ايه ؟
انا : عاوز اعرف هتستفيد ايه
هو : يا عم ولا حاجه اهي تضيع وقت وحته طريه في الحياه
انا : بس كدا طب متخطبه رسمي وتكون في المضمون
هو : لا يا عم خطوبه ايه دي امشي معاها اكلم معاها لكن خطوبه لا طبعا نو واي طبعا مستحيل يا عم زي ما هي كلمتني تكلم الف غيري .
انا : مش شرط يا ابني مش كل البنات زي بعضها
هو : بص يا حاج انا يوم ما افكر اخطب اخطب واحده صاغ سليم . !!!!!
انا : طب حرام عليك تضحك علي البت
هو
: هي عاوزة كدا وانا يا حبيبي مش بضحك علي حد هي اللي بتضحك علي نفسها
وبعدين انت عاوزني اجوز واحده كل اصحابي سمعوا صوته وهي بتكلمني وتقعد
تغني انته مالك يا عم انته شايفني ايه ؟
انا : خلاص يا حاج انهي العلاقه
هو : يا عم فكك مني


شوفتو الشباب بيعملو اية

والله الحاجات دى بتحصل كتير وبما اننا هنا شباب وبنات
عايزين نعرف راى البنات وراى الشباب ودة بيحصل لية وازاى البنت تسكت على كدة ولية الشباب بيعملو كدة