خدعة العملاء تحت امرك يافندم

سكريبت تليفونى


(شخص يطلب رقما عبر الموبايل)
صوت مسجل :-مرحبا بكم فى خدمة الكلفتى فون الممتازة..اذا كان اتصالكم
بخصوص خدمة العملاء اضغط الرقم واحد..للاشتراك فى نظام سوبر حلويات اضغط
الرقم واحد..أما اذا كان اتصالكم بدون أى مناسبة فاضغط الرقم واحد.
الرجل :-هو كله واحد.. طب والله لأدوس تسعة(ويضغط تسعة)
صوت مسجل:-مرحبا بكم فى خدمة العملاء..من فضلك انتظر خمسة (جزء من أغنية الدنيا ريشة فى هوا)
الرجل:-لا دا كتير أوى… أنا هقفل بقى وخلاص.
صوت حى :-(يظهر فجأة)لأ حضرتك ماتقفلش .خدمة عملاء الكلفتى فى خدمتك يا فندم.
الرجل:- لو سمحت أنا بتصل ع..
الصوت :- (يقاطعه) حضرتك سمعت أغنية الدنيا
ريشة فى هوا ؟
الرجل: اه سمعتها .. أنا بتصل ع...
الصوت :-(يقاطعه)طب سمعت اغنية يا حلو صبح قبل كده ولا تحب تسمعها معنا ؟
الرجل:- ما سمعتهاش ومش عايز أسمعها؟
الصوت :-ترشح أنهى واحدة للتوب تن؟
الرجل:-مش عايز أرشح زفت.
الصوت :- ولا عايز تبعت اهداء.
الرجل:- ما تخلينيش أقطع الأتصال.
الصوت:- طب معلش هسألك أخرسؤال.
الرجل:-اتفضل قرفتنى.
الصوت :- انت اخر مرة شحنت بكام.
الرجل:-بمية جنيه..اشمعنى؟
الصوت :-طب استلم بقى .
صوت مسجل:-لقد نفذ رصيدكم ..يرجى اعادة شحن البطاقة.

0(المشهد التانى)
(ابراهيم موظف جديد بخدمة العملاءمع المدير)
ابراهيم :-يا فندم بقول لحضرتك الشبكة بتاعتنا رديئة جدا والناس كلها بتشتكى.
المدير :-مين قال كده..أنا لسه مكلم واحد من الصين النهارده الصبح.
ابراهيم:-ازاى بقى..دا أنا أهوه واقف جنبك وبحاول أتصل بيك والنمرة مش راضية تجمع.
المدير :-هيا بالمسافة ...وبعدين دا عطل فني وموجود فى أى شبكة.
ابراهيم:- وكمان الرسايل مابتوصلش..يا راجل دى الجوابات بتوصل أسرع..والناس بتتصل وتشتم.
المدير:-احنا شعارنا فى الشركة.. الشتيمة بتلف تلف وترجع للعميل.
ابراهيم:- بقول لحضرتك بيشتكوا.
المدير:-احنا شعارنا هنا برضه..سيب العميل يشتكى ويبالغ..واسمع كلامه لو حتى كان فارغ

هههههههههه

المشهدييين احلى من بعض

بس المشهد الأول احلى

و على العمووم

مشكوور

تقبل مرووي

دى شركه ام نبيل

واختصارات

هههههههههههههههه

اووووك

بس حلوة الخدمة

عايزة اشترك فيها

مشكورة يا فندم

لو ردى مقبول اضغط واحد

ولو ردى مرفوض اضغط واحد

ولو انت على الخط اضغط واحد

هههههههههههههههههه