هل هو ده فعلا طبع البشر ؟؟؟

بسم الله الرحمن الرحيم

سؤال جوايا محيرنى ويودينى ويجينى

مرة اقول ااه ومرة اقول لالا

كتير اقول انا غلطان لكن الاكتر بقول انا صح

ليه الناس بتتغير

اللى بنحبهم واللى بنكرهم

القريبين والى بعدهم عنا مريحين

ليه ؟؟

سؤال واضح انه سهل لكن بجد مش لاقى له اجابة واضحه

ليه الناس بتنسى ؟؟

تنسى العشرة

تنسى الاخوة

تنسى الحياة الحلوة

هل الدنيا بقى ده طبعا

طبعها اللى جوه ناسها

هل عشان الدنيا بقت سريعه بسرعه الصاروخ

وانا ماشى كالسلحفاة

مع انى بحاول اركب اى مواصله من اياهم لكن مش عارف

ولا مغريات الحياة بتخلى الناس تتغير وتنسى

ليه بحس ان كتير منهم مش هم اللى عرفتهم و لا هم اللى بحبهم زى ماهم بحسناتهم وعيوبهم ؟

مش شرط يتغيروا للاحسن او الاسوا مش ده المهم

المهم ليه بيتغيروا ؟

مش عارف هل انا اللى غلطان ولا هم ولا الدنيا ؟

ليه ؟؟ وليه .... والف ليه ؟

يمكن اكون مش فاهم الدنيا ماشية ازاى

شاركونى بانطباعاتكم عن وتجاربكم اللى اكيد فيها اللى بقوله ده

الناس بتتغير ......... الضماير بتتغير

الشكل بيتغير ............ المشاعر بتتغير

كره وحب بيتغير

محدش بيفضل على حاله ابدا

لكن انا كده عاجب نفسى ومش هتغير

شاركونى