الله يرحمك يا رجولة

السلام عليكم ورحمه الله وبركاته

النهارده معايا موضوع مهم اوي وظهر دلوقتي اوي اوي
الله يرحم الرجاله

لما تلاقي شله شباب في مقتبل العمر فاتحلي القميص ومبين صدره واللي مسقط البنطلون ومن اقل ضربه
شغال شتايم الله ينور .... يبقي فعلا الله يرحمك يارجوله

لما تلاقي واحده منقبه محترمه ماشيه في الشارع في امان الله وتلاقي شويه شباب بيعكسوها
ومش تستحي علي دمك وتدافع عنها .... يبقي فعلا الله يرحمك يا رجوله

لما تلاقي اكتر من 200 واحد بيتفرجوا علي مشهد اغتصاب ف وسط البلد وكل واحد يخاف يرفع شماعه بس
او بنطق يدافع عنها ...يبقي الله يرحمك يارجوله

مواقف ومشاهد كتير من دي بتكرر ف الشارع المصري وكل يوم بنشوفها محدش يقدر ينكر ده بس فعلا خلاص الرجوله راحت من الجيل الطالع دلوقتي؟
!!!!
بقت الرجوله دلوقتي في شرب البيريل ؟؟

الواحد يبقي ماشي حاطط الشيجاره في بقه محسسك انو اسد ولا هي الرجوله في الدخان دلوقتي والمخدرات ولا زي ما بيقولو .......... الكيف
خلاااااااااااص مبقاش في نقطه دم ولا بقا في نخوه ولا رجوله ولا حتي غيره ع بنات الناس

بس لو نفتكر زمان من ايام زمان بقي كان يا مكان للرجوله معني تاني خالص

كانت رجوله بجد مش هزار كان الراجل يقدر معني كلمه راجل ويقدر ويحمي اهله
وكان بيغير ع اي بنت في الشارع لانه مكنش يرضي ده يحصل لاخته سواء معاكسات او.. او .. او ..او

بس ايه اللي شقلب الحال معرفش ايه اللي ضيع الرجوله معرفش



بجد! الله يرحمك يارجوله .....................الموضوع ده عشان
نتناقش فيه بجد
مش مرسي . وتوبيك وحلو وثانكس وبتاع وكلام نعناع
بس برده كلامي ده مش علي كل الشباب عشان انا عارفه في ناس كويسه
بس ناس اكتر مش كويسين ....ولللاسف بقوا هما اللي ظاهرين
في انتظار الردوووووووووووووووووووووووووود