أضوي شموع الجرح واسهر مع سهيل
وتهل غيمة بللت روض خدّي
يازعفران الشوق ياريحة الهيل
فاح الخفوق ابجيّته لا يعدّي
يامرحبا صبّت هلا قهوة الليل
مدّت فناجيلٍ من ادلال ودّي
ادري مقصر مالي عذرٍ وتعليل
يالي سحابك بشّرتني تندّي
أنا فدى عينٍ هدبها مظاليل
وشفايفٍ توتٍ حماره يشدّي
غنّي عتب ايه اشرهي شرهة الويل
همسة عتابك مع غناجتك حدّي
وقتي لقا في بعض يومي مشاغيل
ومركا هواجيسي لطيفك يودّي
ودام السما تمطر من غيومها سيل
أنا اوعدك وصلي ولا اوعدك صدّي